Papee unarnnu kolka nee nidrayil lyrics

പാപീ ഉണർന്നു കൊൾക നീ നിദ്രയിൽനിന്നു 
പാപീ ഉണർന്നു കൊൾക നീ

1 വലിയനാശം വന്നിടും കളിപ്പാൻ സമയമില്ല 
ചെലവു ചെയ്യരുതേ നീ വിലയില്ലത്തതിന്നായി;-

2 കടലിൻ ഇരച്ചൽപോലെ ഇടിമുഴക്കം പോലെയും 
വിധിനാളിൻ ഭയങ്കരം അടുത്തടുത്തു വരുന്നു;-

3 നിന്റെ വഴികളെയും അന്തർഭാഗങ്ങളെയും 
തന്റെ തുലാസിൽ ദൈവം സന്തതം തൂക്കിടുന്നു;-

4 സത്യമാർഗ്ഗത്തിലേക്കും നിത്യരക്ഷയിലേക്കും 
മർത്യനാകുന്ന നിന്നെ കർത്തൻ വിളിച്ചിടുന്നു;-

5 നരകാഗ്നിയിൻ ജ്വാലയ്ക്കു ഇരയായ് പോകാതിരിപ്പാൻ 
പരനോടു യോജിക്കുക കരുണ കണ്ടെത്തുവാനായ്;-

6 ഉറക്കം തൂങ്ങരുതിനി തുറക്ക വേഗം നിൻ കൺകൾ 
വെറുതേ കളയരുതേ ചുരുക്കമാംരക്ഷാകാലം;-