Kalamathin anthyathodauthirikkayaal lyrics

കാലമതിൻ അന്ത്യത്തോടടുത്തിരിക്കയാൽ
കാണ്മതെല്ലാം മായയെന്നുറച്ചിടുന്നു ഞാൻ
കാന്തനെ വരവിനെത്ര  താമസം വിഭോ
കാത്തുകാത്തു പാരിതിൽ ഞാൻ പാർത്തിടുന്നഹോ

\ജാതിജാതിയോടു പോരിന്നായുദ്ധങ്ങളാൽ
രാജ്യം രാജ്യത്തോടെതിർത്തു ക്രൂദ്ധിച്ചീടുന്നു
കാന്തനെ നിൻ വരവിനെത്ര കാത്തിടേണം ഞാൻ
വന്നു കാണ്മാൻ ആശയേറികാത്തിടുന്നു ഞാൻ-കാലമതി....

ക്ഷാമവും ഭൂകമ്പങ്ങളും വർധിച്ചീടുന്നേ
രോഗങ്ങളും പീഡകളും  ഏറിടുന്നല്ലോ
കാന്തൻ തൻ വരവിൻ ലക്ഷ്യം  എങ്ങും കാണുന്നെ
വേഗം വന്നെൻ ആശ തീർത്തു ചേർത്തുകൊള്ളണേ-കാലമതി....

കാഹളത്തിൻ നാദമെന്റെ കാതിൽ കേൾക്കാറായി
മധ്യവാനിൽ ദൂതരൊത്തു കാന്തൻ വരാറായി
കാത്തിരിക്കും  ശുദ്ധരെ താൻ ചേർത്തുകൊള്ളാറായി
തേജസ്സറും പൊൻമുഖത്തെ മുത്തം ചെയ്യാറായി-കാലമതി....