Daivathin puthranam kristheshuve lyrics

1 ദൈവത്തിൻ പുത്രനാം ക്രിസ്തേശുവേ ജീവന്റെ വചനം നൽകേണമേ 
ആശ്രിതർ മദ്ധ്യത്തിൽ പാർക്കുന്നോനേ ദാസരെ സത്യത്തിൽ നടത്തുകേ

2 പണ്ടൊരഞ്ചപ്പവും മീൻ രണ്ടുമേ കണ്ടപ്പോൾ വാഴ്ത്തി വർദ്ധിപ്പിച്ചോനേ
ഇങ്ങുള്ള പ്രാപ്തിയും അത്യൽപ്പമേ അങ്ങേ തൃക്കൈയ്യാൽ എല്ലാം വാഴ്ത്തുകേ

3 ജീവനില്ലാത്തവർ ജീവിക്കുവാൻ ദൈവത്തിൻഭക്തർ ശക്തർ ആയിടാൻ 
ഏകുക യേശുവേ നിൻവാക്കിനാൽ ഏകുക കൃപയെ നിൻആത്മാവാൽ

4 ദൈവരഹസ്യങ്ങൾ മിന്നിടുവാൻ ഏവനും നന്ദിയോടെ വന്ദിപ്പാൻ 
മൂടലും മങ്ങലും മാറ്റിടുകേ ദൂതുകൾ വെളിച്ചമാക്കിടുകേ

5 സത്യത്തിൻ സ്വാതന്ത്ര്യം വിശുദ്ധിയും നിത്യമാം ഐശ്വര്യം സുബുദ്ധിയും 
സൽഗുണം ഒക്കെയും നൽകിടുകേ സത്യത്തിൻപാലകനാം യേശുവേ

6 നിൻസന്നിധാനത്തിൽ ആശ്വാസങ്ങൾ നിൻതിരുനാമത്തിൻ സുഗന്ധങ്ങൾ 
വ്യാപിച്ചു വീശട്ടെ നിൻആലയേ വാഴുക മഹത്ത്വത്തിൻ രാജാവേ